Ruux Qoorta laga gooyay oo meydiisa lagu Arkay deegaanno ka tirsan gobolka Hiiraan
Number of View: 85Sida ay sheegayaan wararka ka imaanaya gobalka Hiiraan waxaa saaka deegaanka Buq aqable lagu arkay meydka ruux qoorta laga jaray kaasi oo lasoo dhigay bartamaha Magaalada.
Dadka deegaanka oo diiday inay warbaahinta la hadlaan cabsi awgeed ayaa sheegay inay saaka kusoo tooseen iyadoo la isku sheegayo meyd qoorta ka go’an oo yaala Magaalada bartamaheeda.
Ruuxaan meydka ee misna qoorta laga jaray ayaa waxaa la sheegay inuu ahaa dhaqtar ciidamo ka tirsan Shabaabna ay kala soo dageen gaari rakaab ah oo uu la socday xilligaasi.
Wararka ayaa sheegaya in deegaanka Halgan oo ka tirsan Gobalka Hiiraan ciidamada Shabaab gaari uu saarnaa ninkaan ay kala soo dageen kuwaasi oo ula soo dhaqaaqay dhanka Buq aqable halkaasi oo qoorta looga jaray.
Magaca ruuxaan ayaa waxaa lagu soo koobay kaliya Xuseen iyadoo faah-faahin intaasi dhaafsiisan oo ku aadan dilka loo geestay aan ilaa iyo iminka laheyn.
Xilliga lagala soo dagay gaariga ayaa wuxuu kusii jeeday Magaalada Beladweyne ee Gobalka Hiiraan iyadoo ciidamo ka tirsan Shabaabna ay lasoo dageen.










