La Yaabka:Haweenay xiligii qabrigeeda ciida lagu shubi lahaa indhaha soo kala qaaday
Number of View: 456Dalka Al-Jeeriya waxaa todobaadkan ka dhacdey qiso la yaab iyo amakaag ku abuurtey dadka ku dhaqan wadankaasi, ka dib markii haweenay dhimasho loo xisaabiyey oo la geeyey qabuuraha ay soo indhaha kala qaaday iyadoo nool xili la isku dayey in la galiyo godkii lagu aasi lahaa oo loo diyaariyey.
Wargeyska Al Shorooq ee ka soo baxa wadanka Aljeeriya oo warbixin qorey ayaa sheegay in kala carar iyo iga wareeg ay ka dhacdey qabuurihii haweenayda lagu aasi lahaa ka dib markii daqiiqadihii ugu dambeeyey haweenada dhimashada loo xisaabiyey ay neefsatey ayna indhaha kala qaaday, taasi oo keentey in dadkii ay cagaha wax ka dayaan iyagoo cabsi soo wajahdey.
Haweenaydan oo 70 sano jir aheyd waxaa daqiiqadihii ugu dambeeyey ee la doonayey in godka la galiyo, marada wajigeeda ka qaaday qof ay qaraabo ahaayeen oo doonayey in uu ku aqriyo aayado qur’aan ah, balse markiiba indhaha ayey kala qaaday, iyadoo si caadi ah u neefsatey,
Dhacdada la yaabka leh oo ka dhacdey magaalada El Mahmal.ayaa aheyd in dadkii murugoonayey ee ka naxsanaa geerida haweenaydaasi ee qabuuraha la yimid ay kala carareen iyagoo la yaaban qofka ay meyd ahaanta u soo qaadeen ay nooshahay, halkii ay ka farxi lahaayeen ayay carar ooda la jiireen.
“Dadka badankiisu way argagaxeen, laakiin culima’udiin goobta ku sugnaa ayaa dadkii ugu baaqay inay soo laabtaan oo aanay cararin, Duqduna ay nooshahay.ayna ogaadeen in wax kasta ku jiraan gacanta ALLE.
Dadkii oo cabsi iyo yaab ay haysata ayaa haweenayadii ka soo dafay qabriga loo diyaarinayey in ciida lagu aaso, waxaana ay u soo qaadeen guriga, iyadoo tacsidii isku badashay farxad iyo damaashaad.
