Xukuumada Oo Ku Eedeysay Maamul Gobolleedyada Qaarkood In Aysan Xiriir La Laheyn Shacabkooda
Number of View: 137Iyadoo xukuumada Soomaaliya dhawaan ka dhawaajisay in ay u sameyneyso gobollada dalka maamulo ku-meel-gaar ah oo bulshada u diyaariya hanaankii ay isku soo dooran lahaayeen, ayeey ku eedeysay maamulada hadda jira qaar ka mid ah gobollada dalka in aysan wax xiriir ah la laheyn shacabka ay maamulaan.
Wasiirrka wasaarrada arrimaha gudaha xukumuuada Soomaaliya C/kariin Xusseen Guuluud oo xiligan ku sugan magaalada Baydhabo ee xarunta gobollka Bay, ayaa sheegay in ay ka war hayaan maamulo sida uu sheegay aysan raali ka aheyn bulshada oo hadda jira gobollada qaarkood.
‘’Waxaan rabnaa in aan dhisno maamul lagu mideysan yahay oo ay bulshada gobollka raali ka wada tahay, ma dooneyno kuwo leysku heysto ama aan wax xiriir ah la laheyn bulshadoodii loo baahnaa in ay u adeegaan, ayuu yiri wasiirrka wasaarrada arrimaha gudaha iyo amniga Qaranka.
Maamulada hadda ka jira gobollada dalka intooda badan waxaa la magacaabay ama horay u magacaabay dowladdii ku-meel-gaarka aheyd ee uu hogaaminayay madaxweyne Shariif Sheekh Axmed.
Lama oga goorta iyo xiliga wasaarrada arrimaha gudaha ay ku dhaqaaqi doonto dhismaha maamulada ku-meel-gaarka ah ee loo sameynayo gobollada dalka.
