Momobasa Oo Ka Bad-baadday Qaraxyo Lagu waday In Lagu In Lagu Gil-Gilo Magaalada
Number of View: 177Taliska ammaanka ee mabaalada Mombasa ee dalka Kenya ayaa waxay kahor taggey mowjado qaraxyo ah oo gil gili lahaa magaalada Mombasa, ee xaruunta labaad ee waddanka Kenya.
Taliyaha ciidamada booliska ee magaalada Mombasa Aggrey Adoli oo saxaafadda kula hadlay magaalada Mombassa, ayaa wuxuu sheegay inay kahor taggeen qaraxyo gil gili lahaa magaalada Mombasa, intii lagu guda jiray maalmihii ciidda Kirismiska.
“Waxaan kahor tagnay oo aan fashilinay kooxo dooneysay inay qaraxyo ka geystaan magaaladaan Mombasa, intii aan ku guda jirnay maalmihii ciidda Masiixiga.” Ayuu yiri Aggrey Adoli.
Wuxuu sheegay in guri ku yaala magaalada Mombasa ay ka soo qabteen afar nin oo dhalashadoodu ay tahay sida uu yiri Soomaali, kuwaa oo uu xusay inay halkaasi ku diyaarinayeen walxaha qarxa.
“Ciidamada booliska waxay xog ka heleyn guri ku yaala magaalada Mombasa, oo ay miinooyin ku diyaarinayeen afar nin oo u dhashay dalka Soomaaliya, kuwaa oo si dhuumasho leh uga soo gudbay xadka.” Ayuu sii raaciyay.
Aggrey Adoli ayaa wuxuu sheegay inay xilligaan raggaan ku waddaan baaritaano, isagoo si maldahan u sheegay inay ka tirsan yihiin waxa uu ugu yeeray argagaxisada ka dagaamlameysa dalka Somaliya ee Al Shabaab.
Dowladda Kenya ayaa waxay dagaalo adag ay kula jirtaa ururka Al Shabaab, oo horey u ballan qaaday inay hirar qaraxyo ah ay ka geysan doonaan magaalooyinka waaweyn ee ku yaalla dalkaasi Kenya.
