Kooxda Al-Shabaab Oo Sheegtay Mas’uuliyiida Weerarkii Madaxtooyada Lagu Qaaday
Number of View: 145Kadib markii maalintii shalay qof natiis hure ah oo ismiidaamiyay uu weerar ku qaaday xarunta madaxtooyada Villa Soomaaliya ayaa waxaa arintaa hadllay kooxda Al-shabaab oo sheegtay mas’uuliyada weerarkaas.
War qoraal ah ay soo saartay kooxda ayaa lagu sheegay in kooxda Al-shabaab ka danbeysay weerarka ismiidaamin ahaa ee lagu beegsaday xarunta madaxtooyada, waxaana ay intaa ku darreen in ay khasaare xoog leh ku gaarsiiyeen saraakiisha hay’adda nabad-sugida.
‘’Waxaan weerarkaa ku dillay 7 ruux oo ka tirsanaa saraakiisha hay’adda nabad-sugida waxaa ka mid ahaa sadax ruux oo aan si gaar ah aan u bartilmaameedsaneynay ayaa lagu sheegay qoraalka ay soo saareen Al-shabaab.
Laakiin qoraalka laguma xusin xitaa qaar ka mid ah magacyada saraakiisha ay sheegeen in ay dilleen, gaar ahaan sadax ruux ee lagu xusay bayaanka in si gaar ah loo bartilmaameesanayay.
Weerarkii shalay ka dhacay xarunta madaxtooyada Villa Soomaaliya waxaa fuliyay sida ay saraakiisha nabad-sugida sheegeen shaqsi horay uga tirsanaan jiray Al-shabaab, laakiin markii danbe isku soo dhiibay hay’adda nabad-sugida, waxaana weerarkaas ku dhintay inta la og-yahay hal askari oo ka tirsan ciidamada dowladda iyo qofkii qaraxa fuliyay.
