Howl-gal Aada u xooggan oo ay Ciidamada Dowladdu ka wadaan Gobolka Shabeellaha Hoose
Number of View: 198Ciidamada dowladda Soomaaliya ayaa howlgalkii ugu xoogganaa waxay maanta ka wadaan gobalka Sh/hoose gaar ahaan inta u dhaxeeysa degmada Afgooye iyo magaalada Marka ee xarunta gobalka Sh/hoose.
Howlgalkaan ayaa waxay ciidamada dowladda Soomaaliya kusoo qab qabanayaan askarta maalmahaan dambe dhaca iyo dhibaatada ku haaya dadka shacabka ah ee ku dhaqan deegaanada aynu kor kusoo sheegnay, iyadoona howlgalkaasi ciidan badan lagu soo qabtay.
Guddoomiyaha gobalka Sh/hoose ee dowladda Soomaaliya C/qaadir Maxamed Nuur Siidii ayaa shaaca ka qaaday in ciidamada dowladda Soomaaliya ay gacanta ku dhigeen ku dhawaad 30 ka mid ah askartii shacabka dhibaatada ku haysay kuwo kalena lagu raad joogo.
“Waxaan qabanay saacadihii ugu dambeeyay ciidamo badan oo ka mid ah kuwa dowladda Soomaaliya ee dhibka maalmahaan ka sameeynaayay deegaano ka mid ah gobalka Sh/hoose, kuwo kalena haatan ayaan qaban doonnaa, howlgalkana waa mid socon doona waligiis” Siidii ayaa sidaasi yiri.
Ciidamada dowladda Soomaaliya ayaa maalmahan waday howlgalo sidaan oo kale ah xilli qatiyaan laga taagnaa qaar ka mid ah ciidamadaas oo kufsi iyo dhac ku haayay shacabka ku dhaqan gobalka Sh/hoose.
