How-gal ka Dhan Ah Al-Shabaab oo lagaga dhawaaqay gobolka Hiiraan
Number of View: 221Taliyaha Ciidamada Midowga Afrika ee AMISOM ee Gobolka Hiiraan Korneel Cismaan Dubad oo wareysi siiyay Warbaahinta Muqdisho ayaa waxa uu sheegay in dhawaan Ciidamada AMISOM iyo kuwa dowladda ay Al Shabaab ka saari doonaan Deegaanada ay kaga suganyihiin Gobolka Hiiraan.
Korneel Cismaan Dubad ayaa tilmaamay in weerar ay ku qaadi doonaan Degmooyin Ka tirsan Gobolka Hiiraan oo ay Maamulayaan Ururka Al Shabaab iyagoo gacansiinaya Ciidamada dowladda Soomaaliya ee Ku sugan Gobolkaasi.
Korneel Dubad ayaa intaasi ku daray in Al Shabaab ay dhibaato ku hayaan dadka Rayidka ah ee Ku nool Deegaano ka tirsan Gobolka Hiiraan ee Bartamaha Soomaaliya sida uu hadalka udhigay.
Saraakiisha Ciidamada Midowga Afrika ee Ku sugan qaybo ka mida Gobolka Hiiraan ayaa marar badan ku cel celiyay in Al Shabaab ay ka saari Doonaan Deegaanada iyo Degmooyinka ay ka maamulaan Gobolka Hiiraan ee Bartamaha Dalka.
