Dowladda Somalia oo wadda Qorshe Ciidamo Police ah lagu geynayo Magaalada Kismaayo
Number of View: 155Saraakiisha ciidamada Booliiska Soomaaliyeed ayaa sheegay inay iminka wadaan qorshe ballaaran oo ciidamo Booliis ah lagu geynayo Degmooyin ka tirsan Gobalada dalka Soomaaliya.
Taliyaha ciidamada Booliiska Soomaaliyeed Generaal Shariif Sheekhuna Maya oo la hadlay warbaahinta ayaa wuxuu sheegay in Saraakiisha Booliiska ay iminka wadaan qorshooyin ku aadan in ciidan la geeyo Degmooyin ka tirsan Gobalada dalka oo aan weli ciidanka Booliiska la geyn.
Shariif Sheekhuna Maya ayaa sheegay in Degmooyinka wanlaweyn iyo sidoo kale Magaalada Kismaayo ee xarunta Gobalka Jubadda hoose ay iminka geynayaan ciidamo Booliis ah.
Ciidanka la geynayo magaalooyinkaasi ayaa wuxuu sheegay inay ka shaqeyn doonaan xasilinta ammaanka deeganadaasi oo xilliyada qaar ay ka dhacaan falal lidi ku ah dhanka ammaanka.
“Booliiska Soomaaliyeed marwaliba waa heegan goob wlaiba oo Shabaab Gobalada dalka laga saarana waa la geynaya si ay uxasiliyaan”Sidaasi waxaa yiri Shariif Sheekhuna Maya.
Hadalkiisa ayuu intaasi ku daray in ciidamo Booliis ah dhawaan ay geeyeen Magaalada Jowhar ee xarunta Gobalka Shabeelaha dhexe halkaasina loo yeelay taliye ciidan Booliis iyo taliyaha Saldhiga Degmada Jowhar.
Hadalka Shariif Sheekhuna Maya taliyaha ciidamada Booliiska Soomaaliyeed ayaa wuxuu imaanaya iyadoo dhawaan Magaalada Marka ee xarunta Gobalka Shabeelaha hoose la geeyay ciidamo Booliis ah.
