Dowladda Koonfur Africa Oo Malaayiin Doolar Ugu Deeqday Dalka Soomaaliya
Number of View: 149Dowladda Koonfur Africa ayaa shaaca ka qaaday in ay dalka Soomaaliya ugu deeqeyso ama siineyso gargaar lacageed oo gaaray 11 malyan oo doolar.
Madaxweynaha dalka Koonfur Africa Jacob Zuma ayaa warkan ka sheegay kulan la yeeshay safiirka dowladda Soomaaliya u fadhin doona dalkaasi Koonfur Africa oo uu madaxweynuhu ka gudoomay warqadihii aqoonsiga.
Waxaa uu sheegay madaxweyn Jacob Zuma in uu aad uga xun yahay dhibaatada ka taagan dalka Soomaaliya iyo dagaallada mudada dheer ka socda dalka, laakiin waxaa uu sheegay dhinaca kale in uu aad ugu faraxsan yahay in Soomaaliya hadda sameyneyso hormar dhinacyo badan.
Waxaa uu sheegay madaxweyne Zuma in uu siweyn u soo dhaweeyay qudbadii uu madaxweynaha Soomaaliya ka jeediyay shirkii midowgga Africa ee ka dhacay magaalada Addis Ababa ee dalka Itoobiya.
‘’Runtii shacabka Soomaaliyeed iyaga ayaa looga fadhiyaan in ay ayaahadooda ka tashadaan, waxa kaliya ee uu caalamku ku taageeri karo waa gacan siinta sidii loo dhaqaajin lahaa wax yaabaha ay Soomaalidu ku hishiiyaan, sidaa daraadeed waxaan leeyahay dowladda gacan hala siiyo,’’ ayuu yiri madaxweynaha Koonfur Africa.
Dalka Koofurka Afrika ayaa waxaa ku nool kumanaan ruux oo Soomaali ah kuwaasoo ah ganacsato badankood ku ganacsada tuulooyinka dalka Koofur Afrika.
