DHAGAYSO:- Faroole oo Walaac ka Muujiyay Qaabka Xasan Sh. Maxamuud Iyo Arrin uu ka Sheegay Jubbooyinka
Number of View: 660Madaxweynaha Puntland Cabdirixmaan Maxamed Maxamuud Farole ayaa shaaca ka qaaday in uu walaac ka qabo qorshe madaxweynaha Soomaaliya Xasan Shiikh Maxamuud ku doonayo in Dastuurka ku tirtiro.
Madaxweyne Cabdirixmaan Maxamed Maxamuud oo xalay u dabaaldagaayey nanadguurada 4-aad ee Waxqabadka dawladdiisa 4-tii sanno ee lasoo dhaafay ayaa sheegay in uu ka digaayo in dib loogu laabto Khilaaf iyo Isku dhac haddii madaxwayne Xasan Sh. uusan joojin qorshaha uu wado.
“ Waxaan aad uga xumahay oo aanan filayn in aan maqlo, Baarlamaanka federaalka maantii dhawayd markii la xiray, inay ka soo yeertay Afka Madaxweynaha in Dastuurkaasi uusan shaqayn karayn, ee ay noqon doonto in Barlamaanka iyo Dowladu wax ka bedelayaan” ayuu yiri Faroole.
HALKAAN KA DHAGAYSO HADALKA UU JEEDIYAY FAROOLE
Waxa uu ka digay inaan dalka dib loogu celin,laguna dhaqmo Dastuurka hadda qoran kaas oo ku sifeeyey in uu yahay kii lagu doortay madaxda hadda xafiiska joogta iyadoona odayaasha dhaqanka Puntland qaar kamid ah ay Wax ka ansixiyeen.
“Arrintaasi sidaas ma aha yaan dalka dib loo celin, yaan isku dhac cusub la samayn, sida qoran oo la idinku doortay oo lagu ansixiyay oo odoyaashii Ergada ahaa ee wax ka ansixiyay halkan Caawa fadhiyaan, Ha lagu dhaqmo baan ugu yeeraynaa” ayuu hadalkiisa raaciyay Faroole.
Madaxweynaha Puntland oo si faahfaahsan uga hadlay maamul u sameynta gobollada kale ee Soomaaliya ayaa sheegay in sida Dastuurku qabo loo sameeyo maamulo ka koobnaan doona Dawladda Federaalka Soomaaliya.
“Waxaanu sugaynaa oo sida ku qoran Dastuurka Federaalka ah oo dhamaystirkiisa Dowladu sahasho sidii loo dhisi lahaa Dowladihii puntland la mid ahaan ka dhismaan Degaamada kale ee Somalia,dabadeedna sida ku qoran dastuurka,dabadeedna qodobada Dastuurka ee dib loo dhigay ee awood qaybsiga Siyaasadeed,awooda dakhliga dowliga ah,awooda khayraadka dalka qaybsigiisa,intaa marka laga wada hadlo shirar dambe”ayuu yir
Gababagadii Madaxweyne Cabdirixmaan Maxamed Maxamuud ayaa sheegay in Carqalada iyo Buuqa laga daayo maamulka Jubaland,dalkana Cagaha loo dhigo isla markaana Shacabka deegaankaas degan loo daayo taladooda.
“Waxaan ugu yeeraynaa in maamullada hadda madaxa keenay sida maamulka Jubbaland oo buuqa badan iyo Ilaaqda Badan lagu furay, Carqaladaha laga daayo oo dalka cagaha loo dhigo, ay dhismaan oo dadka halkaas degaa taladooda lahaadaan” ayuu ku soo gaba gabeeyay hadlkiisa Faroole
