Degmada Ceel-Waaq Ee Gobolka Gedo oo ay ku sii Qul-qulayaan Wufuud Fara badan
Number of View: 191Magaalada Ceel-waaq ee gobolka Gedo waxaa ku qul-qulaya wufuud ka kala socota daafaha caalamka oo ka tirsan beesha Sade, waxaana lagu wadaa inuu ka dhoco shir looga hadlayo horumarinta beesha iyo isu keeniddeeda.
Shala ilaa iyo xala ayaa magaalada waxaa gaaray wafuud ka kala timid magaalooyinka Kismaayo,Muqdisho,Garbahaaree, Baardheere, Nairobi, iyo goobo kale oo aad u badan
Mas’uuliyiinta gaartay magaalada Ceel-waaq ayaa la sheegay in si wayn loogu soo dhaweeyay magaalada, waxayna ugu baaqeen xubnaha kale ee ka tirsan beesha inay soo gaareen si loo sii amba qaado shirka looga tashanayo aayo ka talinta beesha sade.
Afhayeenka ciidamada dowladda ee gobollada Jubbooyinka Col.Warfaa Sh. Aadan ayaa u sheegay Sooyaal News inay jiraan wali wufuud kale oo la sugayo kuwaa oo ka imaanayo dalalka shisheeye oo ay ka mid yihiin Maraykanka, Ingiriiska, Norway, Holland, Denmark, Canada, iyo dalal kale oo fara badan islamarkaana ay beeshu ku badantahay.
Shirka lagu wado inuu ka dhoco degmada Ceel-waaq ayaa looga hadlayaa arrimaha beesha Sade dhexdeeda islamarkaana looga tashanayo isu keenidda iyo dhammaynta khilaafaadka u dhexeeya beesha sade.
