Xildhibaanka Degmada Kama Kunji Yuusuf Xasan oo Ku Dhaawacmay qarax ka Dhacay Islii (Faah Faahin)
Number of View: 383
Xaaladda xaafadda islii gaar ahaanna aga-gaarka Jaam Street ayaa haatan si aad ah u kacsan kadib qarax xooggan oo goor-dhawayd ka dhacay.
Qaraxa ayaa lagu soo warramayaa inay ku dhaawacmeen ku dhawaad 20 qof, oo uu ku jiro xildhibaanka kama kunji Yuusuf Xasan inkastoo uu intaa ka badan karo.
Dadka kusugan goobta oo lahadlay Sooyaal News ayaa xaqiijiyay in qaruxu uu ka dhacay afaafka hore ee masaajidka waxayna intaa ku dareen in qaruxu uu u ekaa mid lala eegtay xildhibaanka degmada Kama kunji Yuusuf Xasan walow aan si rasmi ah loo ogeyn.
Sargaal ka tirsan xoghaynta xildhibaan Yuusuf Xasan oo la hadlay Sooyaal News ayaa caddeeyay in xildhibaanku uu dhaawac fudud soo gaaray, waxaa sidoo kale xildhibaanka la dhaawacmay ilaaladiisa khaaska ah ayadoon la xaqiijin dhaawaca soo gaaray inta uu la egyahay.
Goob jooge ku sugan goobta oo aannu khadka taleefanka kula xariirnay aya ainoo xaqiijiyay inay dhici karto dhimasho maaddaama ay ay jiraan dhaawacyo halis ah.
Xaaladda ayaa hadda si aad ah u kacsan waxaana goobta gaaray ciidamo ka tirsan kuwa ammaanka ee dalka Kenya.
Maria Abshir Faarax
Sooyaal News Network
Nairobi – Kenya
