Wafti ka socda Urur Goboleedka IGAD oo Gaaray Kismaayo iyo Kulamo ka Socda Magaalada
Number of View: 223
Magaalada Kismaayo ayaa waxaa maanta ka degay wafdi ka socda urur goboleed-ka IGAD ayadoo wafdigaas markii ay magaalada galeen amaankooda aad loo adkeeyay.
Ciidamo badan aya lagu daadiyay waddooyinka waa weyn ee Kismaayo iyo xaafadaha udhow halka wafdigaas ay caawa ku hoyanayaan ee magaalada Kismaayo.
Wariye madax banaan ayaa sooyaalnews.com usheegay in wafdiga ay kulamo xasaasi ah la leyihiin Saraakiisha gacanta ku haysa maamulka jubbooyinka gaar ahaan magaalada Kismaayo.
“Wafdigan soo garay magaalada Kismaayo waxay hadda la kulansan yihiin saraakiisha halkan kusugan sida Axmed Madoobe, Gen Cali Madoobe, Sh Maxamed Ow-Libaax, Yaasiin Raadeer, C/Naasir Seeraar iyo Saraakiil kale.
Waxaa wafdigan oo haatan kusugan jaamacadda Kismaayo ayay saraakiisha magaalada kala hadlayaan arrimaha mamul usamaynta jubbooyinka iyo Gedo oo haatan meelo gabo gabo ah maraya.
Wararka waxaa ay sheegayaan in sidoo kale laga wadahadlayo sidii dowladda Soomaaliya ay gacan uga gaysan lahayd mamul usamaynta jubbooyinka si khilaafka jira loo xalliyo.
Marar badan ayay wafuud ka socota dalalka gobolka iyo kuwa caalami ah tageen magaalada Kismaayo ee gobolka jubbada Hoose.
