Al-Shabaab oo gudaha u galay Kismaayo Kadib Dagaal Xooggan oo dhacay Magaalada
Number of View: 165
Wararka naga soo gaaraya magaalada Kismaayo ee xarunta gobolka Jubbada Hoose ayaa sheegaya in magaalada xalay uu ka dhacay dagaal xooggan.
Dagaalkaas ayaa udhaxeeyay ciidamada dowladda oo kaashanaya Militeriga Kenya iyo Al-Shabaab oo magaalada weerar kaga soo qaaday labo jido.
Wararka aynu ka helayno magaalada ayaa sheegaya in dagaalkan uu si gaar ah kaga dhacay xaafadda Farjano oo ay ku badan yihiin Saraakiisha dowladda ee magaalada gacanta ku haysa.
Hub aad uclus ayaa laga maqlayay xaafadaha kala duwan ee magaalada Kismaayo, iyadoona Shabaab ay gudaha usoo galeen magaalada.
“Dagaalka saakay ayuu xoogiisu dhacay, waxaana Shabaab ay soo galeen xaafadda Farajano”ayuu yiri mid kamid ah dadka deegaanka oo sooyaalnews.com lahadlay.
Inkastoo aan la ogaan karin qasaaraha rasmiga ah ee dagaalka, haddana dad kusugan magaalada ayaa sheegaya in ay jiraan dhaawacyo la geeyay isbitaalka guud ee magaalada halka dhimasho ay jirto laakiin aan wali shacabka la tusin.
Saraakiisha dowladda ee magaalada kusugan oo aan taleefan kula hadalnay ayaa ka gaabsaday in ay ka hadlaan dagaalkan ka dhacay magaalada Kismaayo.
Marar badan ayay sidaan oo kale Shabaab ku weerareen magaalada Kismaayo oo ay kusugan yihiin ciidamo isugu jira Soomaaliy iyo Kenyan.
