14 Arday Oo Dugsi Qur’aan Dhiganaysay Oo Qarax Lagula Eegtay….
Number of View: 1191Kuwiita Sooyaal News Network 
Ciidamada amaanka ee dalka Pakistan ayaa waxaa ay shaaciyeen in 14 caruur arday ka ahayd dugsi quraanka lagu barto oo ku yaalla deegaanka Kuwiita ee dalkaasi Pakistan ay ku geeriyoodeen qarax ka dhashay Bambo lagu aasay dugsiga hortiisa taasi oo aaan illaa iyo haatan la garan karin cida ka danbaysay falkan ay ardaydu ku dhinteen.
Waxay sidoo kale laamaha amaanku sheegeen in dugsiga xiliga qaraxu dhacay ay ka soconaysay xaflad lagu sagootinayay ardaydaasi isla markaana ay shahaadooyinkooda ku qaadanayeen bacdamaa xiligii dugsigaasi la xidhi jiray la agaadhay.
Maamulkii iyo macalimiintiii dugsigaasi ayaa sidoo kale sheegay inay si weyn uga xun yihiin dhacdadan isla markaana xukuumada ay ugu baaqayaan inay dabagal ku samayso falkan dadka ka adanbeeyey isla markaana ardayda muslimka ah ee quraanka dhiganayay qaraxan la beegsaday.
Walidiintii dhalay ardayda geeriyootay ayaa ilaa iyo hada ka murugaysan falka ay ku dhinteen caruurtoodii quraanka u baranaysay ee ay aayamaha danbe ee mustaqbalkooda ku dadaalayeen waxayna iyaga laftoodu dowlada ku adkeeyeen inay tallaabo adaga ka qaadaan dadka sida naxariis darada ah caruurtoodii u laayay.
Waa markii u horraysay oo dalkaasi ciraaq lagu dilo arday dugsi quraan oo tiradan dhan ,waxaase jiray arday waqtiyo hore falal midkan la halmaala lagu laayay iyadoo illaa iyo haatana aan cid loo soo qabtay iyo cid sheegatayba aysan jirin.
Sooyaal News Network
