Qarax Gaari oo Galabta ka Dhacay Muqdisho
Number of View: 417
Muqdisho:- Galabta abaarro 4-tii galabnimo ayaa qarax geystay dhimashada hal ruux waxa uu ka dhacay waddada isku xirta Igoyska KM4 iyo garoonka diyaaraha Muqdisho ee Aadan Cadde.
Qaraxa oo ilaa iyo hadda aanay kasoo bixin warar rasmi ah ayaa waxa uu ka dhashay gaari waddada maraayey oo mar qura qarxay.
Wararka qaar ayaa soo sheegaaya in qaraxa gaariga lagu soo xiray lana rabay in lagu qarxiyo xarumaha Dawladda KMG ah ee gudaha magaalada Muqdisho.
Warar kale ayaa sheegaaya in qaraxu lagu soo xiray gaariga oo uu watay nin ganacsade ah oo lagu magcaabo Maxamuud Carafaat iyadoo uusan ogeyn ninkaasi.
Saraakisha amniga Dawladda KMG ah weli si rasmi ah ugama hadlin qaraxa galabta ka dhacay waddada garoonka Aadan Cadde.
Ciidamada Dawladda ayaa markii dambe xiray waddada, waxaana ilaa iyo iminka ka socda baaritaan lagu ogaanaayo qaabka qaraxu u dhacay.
Dadka qaar ayaa aaminsan in ninka ganacsadaha ay rag shabaab katirsan gaariga ugu xireen qaraxa uuna sidaasi ugu qarxay, dad kale ayaa aaminsan in ninka gaariga uu waday uu shabaab katirsan yahay.
Hase yeeshee ilaa iyo iminka warar rasmi ah kama soo bixin qaraxaasi galabta ka dhacay magaalada Muqdisho.
Xafiiska Wararka Muqdisho
alaha u naxariisto carafaad axmed waxuu ahaa muwaadin ganacsde somaliueed ah waxana dishay gacan ka xaq daran mana uusan ka tirsaneyn alshabab iyo koox kale midna alaha u naxariisto marxuumkaas mida kale waxan ka codsaneynaa warbaahinta in ay iska hubiyaan wararka ya qorayan ama magacyada dadka ay wax ka qorayaan mahadsaniddin