War Deg Deg ah: Dilal Caawa ka Dhacay Muqdisho
Number of View: 327
24-April-2012 Muqdisho Sooyaal News Network Ku dhowaad 6-qof oo aan la ogeyn cidda dishay iyo sababta loo dilay ayaa caawa lagu dilay gudaha iyo banaanka suuqa Bakaaraha ee magaalada Muqdisho.
Biyo degeenka Xareed ee gudaha suuqa Bakaaraha waxaa lagu dilay 3-ruux oo aan la ogeyn cidda dishay iyo sababta loo dilay, sidookale Isgoyska Baar Ubax waxaa lagu dilay 2-kale.
Dhamaan dadka la laayey lama yaqaan, sidoo kale cidda dilalka geysatay lama oga, waxaa jira dad kale oo iyana dhaawacmay.
Warar kale ayaa sheegaaya in dad kale isla caawa lagu dilay goobo kale oo Isgoyska Al Baraka kamid yahay, hayse yeeshee maaha kuwo la xaqiijiyey.
Warar aan la xaqiijin ayaa sheegaaya in dadka la laayey iyo kuwa wax laayey ay isugu jiraan Ciidamada Dawladda ee PS-ta ah iyo rag katirsan Al shabaab, balse maaha warkaasi mid si rasmi ah loo xaqiijiyey.
Waxaa naga xusuus ah in ay wax iska bedeli kaaran tiradad dadka caawa lagu laayey gudaha magaalada Muqdisho maadaama warku hadda dhow soo dhacay.
Gudaha magaalada Muqdisho xilliyada habeenkii ah waxaa ka dhaca dilal loo geysto dad kala duwan oo aan la ogeyn sababaha rasmiga ah ee lagu laayo dadkaasi.
Xafiiska Wararka Muqdisho
