Dagaalyahano Katirsan Al Shabaab oo Xalay Weeraray Baydhabo
Number of View: 264
Baydhabo:- Wararka naga soo gaaraaya magaalada Baydhabo ee xarunta gobolka Bay ayaa soo sheegaaya in kooxo hubaysan oo shabaab katirsan ay habeenimadii xalay weerar ku qaadeen saldhigyo ay Ciidamada Dawladda KMG ah ku leeyihiin duleedka magaaladaasi
Iska hor imaadka ayaa socday wakhti kooban waxaana inta badan ee magaalada laga maqlaayey dhawaaqa rasaasta dagaalka la isku waydaarsanaayey.
Wasiir kuxigeenka Wasaarada Gaashaandhiga Maxamed Cali Catooshayaa sheegay in dagaalkaasi ay soo qaadeen dagaalyahano katirsan Al shabaab.
Waxa uu intaasi ku daray in dagaalku ahaa mid kooban oo aan wax badan socon kaasi oo sida uu tilmaamay ujeedkiisu ahaa khal khal gelin dhanka amniga.
Dadka ku dhaqan magaalada Baydhabo habeenimadii xalay soo foodsaartay cabsi ku aadan in magaalada dagaalka ka dhaca kaasi oo iyaga saamayn ku yeesha.
Xaaladda ayaa iminka deggan iyadoo Ciidamada Dawladdu ay saaka hawlgallo ka wadaan goobahii lagu dagaalamay.
Xafiiska Wararka Muqdisho
