Cali Khaliif Galeydh oo Puntland ku eedeeyay in ay ku amartaaglayso Dowlada “Top News”
Number of View: 168
22. April.2012: Nairobi:
Prof. Cali Khaliif Galeyr oo ka mid ah aasaasayaasha maamulka Khaatumo horeyna u ahaan jiray ra´sul wasaarihii xiligii dowaladii Jabuuti lagu sameeyey ee madaxweyne ka ahaa C/qasim ayaa sheegay in maamulka Puntland uu ku amar-ku-taagleeyo dowladda Somaliya, uuna u muuqdo mid ka awood badan dowladda Federalka.
Prof. Galeyr ayaa tusaale usoo qaatay booqashadii madaxweyne Sh. Shariif uu ku tagay Garoowe kol hore, ayna halkaas ka muuqatay awood ka badan mida dowladda Somaliya sida calan gooni ah, heeso gooni loogu qaadayay Puntland, qaabkii uu madaxweyne Faroole ula dhaqmay madaxweyne Sh. Shariif. Wuxu kaloo Prof. Geleyr soo qaatay dastuurka ay Puntland soo saartay todobaadkan, kaasoo uu ku sheegay inuu yahay mid ka hor-dhacay dastuurka Somaliya loo qorayo hada.
Waxa kaloo xusid mudan oo muujinaya awooda dhabta ah Puntland ay ku maamusho Somaliya fashilka hada ku yimid wadahadaladii Somaliland iyo dowladda Somaliya, kadib markii madaxweyne Faroole uu ku qasbay madaxweyne Shariif inuu laba ergo ugu daro shanta uu magacaabay, taasoo uu u dhaganuglaaday madaxweyne Shariif, kadibna keentay in maamulka Somaliland uu la laabto ergadii uusoo magacaabay, iyagoo cilad uga dhigay in aysan la xaajooneyn maamul-goboleedyo ee balanku uu ahaa in dowladda Federalka iyo Somaliland uu wadahadalku dhex maro.
